हंसपुरमा ग्रामिण नमुना कृषकको गठन

हंसपुर, अर्घाखाँची  । अर्घाखाँची जिल्लाको हंसपुर गाविस वार्ड नं. ५ मा राजनितीक दलका प्रमुख वा प्रतिनिधी, वडा नागरिक मञ्च, सञ्चारकर्मी, बुद्धिजिबी, आमासमुह, अपाङग, विद्यार्थी, किसान र अन्य व्यक्तिहरु गरि करिब पैतिस जनाको उपस्थिीतीमा ग्रामिण नमुना कृषक शिववहादुर घर्तीमगरलाई छनोट गरिएको छ । 

कार्यक्रममा सुआहारा कार्यक्रम लुम्विनी सामाजिक विकास केन्द्रका फिल्ड सुपरभाईजर चन्द्र वहादुर पाण्डेले सुआहाराको परिचय, सुनौलो हजार दिनका भन्छिन आमा रेडियो कार्यक्रम, सरसफाइ, ग्रामिण नमुना कृषक को वारेमा बताई सहजीकरण गर्नुभएको थियो ।

कार्यक्रम वार्ड नागरिक मञ्च की हुमकुमारी रानाको अध्यक्षता, उपसंयोजक विष्णु वहादुर पुनको सञ्चालनमा सम्पन्न भएको थियो । भने कार्यक्रममा कृषि सेवा केन्द्र हंसपुर प्रमुख नारायण प्रसाद भुसाल, कृषि सेवा केन्द्रका अनिरुद्र प्रसाद ओझा, सामाजिक परिचालक खड्क प्रसाद भुसाल लगाएतको उपस्थिती रहेको थियो ।