कृष्ण परियार
सन्धिखर्क, अर्घाखाँची । हरितालिका तिज नजिकिदै गर्दा अर्घाखाँचीमा विभिन्न संस्था र संगठनले तिज गित प्रतियोगीता एवं सामुहिक दर खाने र शुभकामना आदान प्रदान गरीरहेका छन् ।
यसैबीच नेकपा एमाले निकट अनेम संघ अर्घाखाँचीले आज सन्धिखर्कको टुडिखेलमा तिज गित प्रतियोगिता सम्पन्न गरेको छ । नेकपा एमाले अर्घाखाँचीका उप-सचिव प्रेम नारायण गैरेको प्रमुख आतिथ्यता र अनेम संघ जिल्ला अध्यक्ष विष्णु आचार्यको अध्यक्षतामा सम्पन्न भएको तिज गित प्रतियोगितामा ५ वटा समुहले भाग लिएका थिए ।
प्रतियोगितामा शिर्जनसिल महिला समुह सन्धिखर्क प्रथम, जानका गैरेको समुह द्वितिय, कविता रायमाझिको समुह तृतिय र सक्षम तथा जागृत समुह र सुमित्रा रायमाझिको समुह सान्त्वना भएका छन् ।
सिता श्रेष्ठको संचालनमा सम्पन्न भएको कार्यक्रममा एमाले नेता बुद्धि बहादुर रायमाझि, इश्वरा पोख्रेल, बिजुला रायमाझि, नेपाल पत्रकार महासंघ अर्घाखाँचीका अध्यक्ष शोभाखर पन्थी, लगायतले शुभकामना मन्तव्य राखेका थिए ।
भाद्र २६ गते, २०७२ मा प्रकाशित
