बुटवल । रुपन्देही स्थित सिद्धार्थ नगरपालिका-१ डण्डापुल स्थित भैरहवाबाट बेलहियातर्फ जाँदै गरेको युपी ५३ टि ५३०९ नम्वरको भारतीय ट्रकले लु.१० प २५२३ नम्वरको मोटरसाइकललाई ठक्कर दिदाँ मोटरसाइकलमा सवार अर्घाखाँचीका २ जना सहित ३ जनाको मृत्यु भएको छ ।
मृत्यु हुनेमा अर्घाखाँची सन्धिखर्क नगरपालीका वार्ड न. १० (पुरानो किमडाँडा-१) की ३७ वर्षीया मधु राना र उनकी तीन वर्षीया छोरी सिमरन राना रहेका छन् भने अर्का पाल्पाको सोमादी-१ का गिरबहादुर बराम्जा रहेको प्रहरीले जनाएको छ ।
शनिबार राति पौने आठ बजे भैरवाबाट बेलहियातर्फ जादै गरेको भारतीय ट्रकले विपरीत दिशाबाट आउदै गरेको मोटरसाईकललाई ठक्कर दिएको थियो ।
दुर्घटनामा संलग्न ट्रक चालक फरार रहेकाले खोजी कार्य भईरहेको र दुबै सवारी साधनलाई प्रहरीले नियन्त्रणमा लिएको स्थानिय प्रहरी जनाएको छ ।
भाद्र २७ गते, २०७२ मा प्रकाशित
