गोपाल प्रसाद भट्टराई
सन्धिखर्क, अर्घाखाँची । मुटु दिवसको अवसर पारेर नेपाल हृदय रोग प्रतिष्ठान अर्घाखाँची शाखाको आयोजनामा मंगलवार प्रभातफेरि कार्यक्रम सम्पन्न भएको छ ।
सदरमुकाम संन्धिखर्कमा संपन्न कार्यक्रम पश्चात विरामीहरुको स्वास्थ परिक्षण गरिएको थियो ।
विश्व मुटु दिवसको अवसरमा जनचेतना मुलक प्लेकार्ड सहितको -याली सदरमुकाममा निकालिएको थियो ।
जीप दुर्घटनामा एकको मृत्यु एक घाईते
अर्घाखाँची । गुल्मीको पुर्कोट दह गाविसमा भएको डबल क्याप जीप दुर्घटनामा एक जनाको मृत्यु भएको छ । सोमबार राति भएको दुृर्घटनामा पुर्कोट दह गाविस वडा नम्बर ५ का ३३ बर्षिय केशरबहादुर थापाको घटनास्थलमानै मृत्यु भएको जिल्ला प्रहरी कार्यालय गुल्मीले जनाएको छ ।
लु १ च ४९०५ नम्वरको जिप दुर्घटनामा सोही ठाउँका जीप चालक बसन्त कुँवर गम्भीर घाइते भएको प्रहरी निरिक्षक हरि हमालले बताए । उनका अनुसार घाइते कुँवरको युनिभर्सल मेडिकल कलेज भैरहवामा उपचार भइरहेको छ । बाटो अप्ठारो भएको कारण जिप दुर्घटना भएको हो । जीप सडकबाट झण्डै दुई सय मिटर तल खसेको प्रहरीले जनाएको छ ।
आश्विन १३ गते, २०७२ मा प्रकाशित
