गोपाल प्रसाद भट्टराई
सन्धिर्खक, अर्घाखाँची । सन्धिर्खक नगरपालीका वाड नं. २ मा रहेको श्री भगवती उमावी संखेटारीमा आज सूचना तथा सुशासन अभियान सिआईजीले सूचनाको अधिकार सम्वन्धमा संवाद कार्यक्रम सम्पन्न गरेको छ ।
बिधालयका प्रअ श्याम भुसालको अध्यक्षता र सिआईजी सहसचिव राधा नेपालीको संन्चलन रहेको सो कार्यक्रम भव्यताका साथ सम्पन्न भएको थियो । मावी तहका विधार्थी, शिक्षक र स्थानिय गरि करिव दुई सय जनाको सहभागीता रहेको सो कार्यक्रममा सिआईजी अध्यक्ष मुक्ति नाथ भुसालले करिव ३ घन्टा लामो भिजुयल सहितको प्रस्तुती दिनु भएको थियो । विधालय प्रअ श्याम भुसालले कार्यक्रमको समापन गर्नु हुदै यस्ता खाले कार्यक्रमहरु प्रत्येक विधालयमा जानु पर्ने र आफुहरु अत्यन्तै लाभान्वित भएको धारणा ब्यक्त गर्नु भएको थियो ।
सहभागी भेलाले स्थानिय लेखनाथ भुसालको संयोजकमा ७ सदस्यीय सिआईजी चुत्रावेशी सर्वेसम्मत चयन गरेको छ । जसको सदस्यहरुमा कूष्ण प्रसाद खनाल, राधा नेपाली, देविराम भुसाल, केसव राज भुसाल, भोज बहादुर मुखिया र पवित्रा खनाल रहनु भएको छ ।
मनोनित सम्पूर्ण सदस्यहरुलाई संस्थाका अध्यक्ष मुक्ति नाथ भुसाल, सचिव बसन्त श्रेष्ठ, सहसचिव राधा नेपाली, सदस्यहरु विष्नु मल्ल ठकुरी, कमल ढकाल, सुमित्रा कुमाल र हुमा भुसालले एकै साथ स्वागत एवम् बधाई ज्ञापन गर्नु भएको थियो ।
आश्विन २३ गते, २०७२ मा प्रकाशित
