साउदी अरबको पूर्वी साइयात प्रान्तमा शियाहरु भेला भैरहेको हलमा एक जना बन्दुकधारीले अन्धाधुन्ध आक्रमण गर्दा पांच जनाको मृत्यु भएको छ ।
आक्रमणमा नौं जना घाईते भएका छन् । प्रहरी कारवाहीमा आक्रमणकारी मारिएको साउदीको आन्तरिक मन्त्रालयले जनाएको छ । शिया मुश्लिमहरुको पवित्र अशुरा उत्सव सुरु हुन दुइ दिन अघि यो आक्रमण भएको हो ।
इस्लामिक अतिवादी समुह आइएसले आक्रमणको जिम्मेवारी लिएको छ । साउदी अरबमा अल्पसंख्यक शिया मुश्लिमहरु आक्रमणको निशानामा पर्दै आएका छन् । (एजेन्सी)
आश्विन ३० गते, २०७२ मा प्रकाशित
