फिलिपिन्समा कोप्पु आँधीले जनजीवन अस्तब्यस्त बनाएपछि सरकारले सर्वसाधारणलाई तीन दिनसम्म सचेत रहन अपील गरेको छ ।
आँधीबाट बच्न हजारौं सर्वसाधारण सुरक्षित स्थानतर्फ लागेका छन् । आँधीका कारण हवाई र यातायात सेवा ठप्प पारिएको छ ।
२ सय ५० किलोमिटरका दरले आएको आँधीले थुप्रै घर र सवारी साधनमा क्षति पुगेको छ । आँधी तीन दिन सम्म रहने र त्यसपछि ताइवानतर्फ अघि बढ्ने मौसमविदहरुले बताएका छन् ।
दुई बर्षअघि आएको आँधीबाट प्रभावितहरुकै जनजीवन सामान्य बन्न नसकेका बेला यस आँधीका कारण सर्वसाधारण थप मारमा परेका छन् । (एजेन्सी)
कार्तिक १ गते, २०७२ मा प्रकाशित
