नाइजेरियामा दुई भिन्नाभिन्नै ठाउँमा बम आक्रमण हुदा ४२ जनाले ज्यान गुमाएका छन् । भने सय भन्दा बढी मानिस घाइते बनेका छन् ।
नाइजेरियाको उत्तर पूर्वी योला स्थित एक नवनिर्मित मस्जिदमा गरिएको बम आक्रमणमा २७ जनाले ज्यान गुमाएका छन् भने मैडूगरीमा गरिएको एक आत्मघाती बम आक्रमणबाट १५ जनाले ज्यान गुमाएका छन् ।
नमाजका लागि मानिसहरु भेलाभएको मौका छोपेर मैडूगरीमा आत्मघाती हमला गरिएको थियो ,भने योलामा मस्जिदमा नमाज पढिरहेको मौका छोपेर हमला गरिएको थियो ।
अहिले सम्म प्रहरीले आक्रमणकारीको पहिचान गर्न सकेको छैन । यस क्षेत्रमा इस्लामिक चरमपन्थी समुह बोको हरामले यसअघि आक्रमण गर्ने गरेको थियो ।
वितेका केही वर्ष यता नाइजेरियामा बोको हरामको आक्रमणबाट हजारौ मानिसले ज्यन गुमाएका छन् । – एजेन्सी
कार्तिक ८ गते, २०७२ मा प्रकाशित
