अर्घा, अर्घाखाँची । राष्ट्रिय जनमोर्चा अर्घाखाँचीले बडा दसैं कोजाग्रत पूर्णिमाको अवसरमा अर्घाखाँचीको अर्घाको रानीगैरामा आमसभा तथा साँस्कृतिक कार्यक्रम सम्पन्न गरेको छ।
उक्त कार्यक्रममा राष्ट्रिय जनमोर्चाका केन्द्र देखि जिल्ला स्तरिय नेताहरुले सम्बोधन गरेका थिए ।
साथै दसैं पुर्णिमा कार्यक्रममा रक्तिम सास्कृतिक अभियानका केन्द्रिय एवम जिल्ला कलाकारहरुले आफ्ना गीत संगीत प्रस्तुत गरेका थिए। रानीगैरामा जनगायक जीवन शर्माले दर्शकलाई छमछमी नचाएका थिए ।
अर्घा भगवती दरवारमा पुर्णिमाको दिन दर्शन गर्न हजारौको संख्यामा भक्तजनहरुको उपस्थित रहेको थियो । छिमेकी जिल्ला प्युठान, गुल्मीबाट समेत भक्तजनहरु आएका देखिन्थे । अर्घा भगवती दरवारबाट तल मैदान सम्म सराय नाच समेत भएको थियो ।
कार्तिक १० गते, २०७२ मा प्रकाशित
