कोमल भट्ट
पुरानो नैकाप, काठमाडौँ
हाल :- रोचेस्टर, न्युयोर्क
छिमेकी छ लुच्चो दियो लात धेरै
सधैँ गर्न थाल्यो खुराफात धेरै ll
छुरी तीक्ष्ण धस्दा दुख्यो भित्र हाम्रो
मिलेको छ धोका तथा घात धेरै ll
लगी स्रोत सारा भयो ऊ उज्यालो
खपी याँ अँध्यारो बिते रात धेरै ll
चुँडाल्यो सदीऔं पुरानो मितेरी
भयो वैर ऐले गर्यो बात धेरै ll
नराखौँ भरोषा छ त्यो धुन्धुकारी
छिटै मिल्छ खोजे सफा हात धेरै ll
सबैले बुझ्यौँ दुष्ट को हो र कस्तो
न चित्तै छ ठूलो न औकात धेरै ll
मंसिर ४ गते, २०७२ मा प्रकाशित
