चीनको उत्तर पूर्वी हेइएलोङजियाङ प्रान्तको जीसी शहरमा रहेको कोइला खानीमा आगजनी हुँंदा कम्तीमा २१ जनाको मृत्यु भएको छ ।
सिन्ह्वा समाचार एजेन्सीका अनुसार सरकारी कम्पनीको उक्त कोइला खानीमा शुक्रबार राती आगलागी भएको हो । आगलागीमा परेर एकजना हराइरहेका छन् ।
आगलागीको समयमा खानी भित्र ३८ जना कामदार रहेकोमा १६ जनाले भागेर ज्यान बचाएका छन् ।
आगलागीको कारण खुल्न नसकेको अधिकारीहरुले जनाएका छन् । चीनमा कोइला खानी दुर्घटनाका कारण वर्षेनी धेरैको मृत्यु हुने गरेको छ । (एजेन्सी)
मंसिर ५ गते, २०७२ मा प्रकाशित
