गोपाल प्रसाद भट्टराई
ढाकावाङ्ग, अर्घाखाँची । स्थानिय उत्पादनलाई प्रोत्साहन र प्रबद्धन गर्ने उद्धेश्यका साथ संचालनमा आएको ढाकावाङ् हाट बजार को एघारौँ बार्षिक उत्सवको अबसरमा आज ढाकावाङ्गमा विभिन्न कार्यक्रम सम्पन्न गरीएको छ ।
बार्षिक उत्सवको अबसरमा खुल्ला देउसी भैलो प्रतियोगिता कार्यक्रम सम्पन्न भएको आयोजकले बताएको छ । देउसी भैलो प्रतियोगितामा राष्ट्रिय जनमोर्चा ढाकावाङ्ग वडा नम्बर ३ र ८ को संयुक्त टिम प्रथम, ढाकावाङ्ग गा.वि.स.वडा नम्बर – ६ को समुह द्धितिय, राष्ट्रिय जनमोर्चा ढाकावाङ्ग वडा नम्बर सातको टिम तृतिय र आयोजक टिम सान्त्वना भएका छन् ।
कार्यक्रम ढाकावाङ्ग हाट बजार व्यबस्थापन समितिका अध्यक्ष ढुनाराम भुसालको अध्यक्षता र सचिव खिम बहादुर राउतको संचालनमा सम्पन्न भएको थियो ।
मंसिर १२ गते, २०७२ मा प्रकाशित
