बुटवलबाट अर्घाखाँची जाँदै गरेको यात्रुवाहक बस दुर्घटना

तान्सेन, पाल्पा । बुटवलबाट अर्घाखाँचीको ढाडमैदान जाँदै गरेको यात्रुवाहक बस पाल्पाको छहरा -१ मिलगैरामा दुर्घटना भएको छ ।दुर्घटनामा ८ जना घाइते भएका छन् । तर अर्घाखाँचीका कोही पनि दुर्घटना परेका छैनन् । 

लु १ ख ८०२६ नम्बरको मिनीबस दुर्घटना परी घाइते हुनेमा रुपन्देही मुर्गियाका लक्ष्मण कुँवर, छहराका विशाल परियार, चेतनारायण कार्की, दिवस परियार, सुरज परियार, बुटवल देविनगरका श्याम घर्तिमगर, सैनामैना मुर्गियाका सुनिल दर्जी, जुठापौवाका करण घर्तिमगर छन् । 

घाइतेमध्ये तीनजनाको अवस्था चिन्ताजनक रहेको लुम्बिनी मेडिकल कलेजले जनाएको छ । घाइतेहरुको लुम्बिनी मेडिकल कलेज प्रवासमा उपचार भइरहेको छ । सडकबीचबाट हिँडिरहेका जेष्ठ नागरिकलाई बचाउँदा दुर्घटना भएको प्रहरीले जनाएको छ  ।