अर्जुन भुसाल
सन्धिखर्क, अर्घाखाँची । सन्धिखर्क नगरपालिका वडा नं. १० किमडाँडाका व्रेन ट्युमर रोगबाट थलिएका विष्णुप्रसाद भुसालले आर्थिक सहयोगको याचना गरेका छन् ।
विष्णु प्रसाद भुसाल श्रीमति टामकलाको साथमा ।
कमजोर अर्थिक स्थितिका कारण उपचार गर्न नसकेपछि उनले सबैसँग आर्थिक सहयोगको याचना गरेका हुन । उनी यतिवेला काठामाडौंमा उपचाररत छन् । अप्रेसन गर्न करिव पाँच-छ लाख लाग्ने भएपछि उनी चिन्तामा छन् ।
उपचार गर्न पाए बाचेर परिवार तथा समाजको सेवा गर्ने उनको आशा छ । श्रीमती टामकला भुसालले श्रीमानको उपचारमा सहयोग गर्न जिल्लावासी, देशवासी तथा प्रदेशमा काम गर्ने नेपालीसँग बिन्ती गरेकी छन । उनले आफ्नै नाममा एभरेष्ट वैंक लिमिटेड सन्धिखर्क शाखाबाट खोलेको ०३९००५०१२०५६१८ खाता नं. मा रकम जम्मा गरि श्रीमानको ज्यान जोगाइदिन सबैलाई आग्रह गरेकी छिन ।
विष्णुको बेथामा आधारित समाचार केहि दिन अघि प्रकाशनमा आएको थियो । समाचार प्रकाशनमा आएपछि सहयोदाताहरुले सहयोग गर्ने इच्छा व्यक्त गरेका छन् ।
पौष ५ गते, २०७२ मा प्रकाशित
