नाइजेरियाको एक ग्याँस डिपोमा बिस्फोट हुँदा एकसय जनाभन्दा बढीको मृत्यु भएको छ ।
नाइजेरियाको दक्षिणी क्षेत्रमा रहेको अनाम्ब्रा शहरमा भएको बिस्फोटमा ५० भन्दा बढी घाइते भएका छन् ।
ग्याँस डिपोमा ट्रकमा राखिएका ग्याँसका सिलिण्डर अनलोड गर्ने क्रममा बिस्फोट भएको बताइएको छ । बिस्फोटमा मारिनेमा ग्याँस डिपोका मजदुर र सर्वसाधारण रहेका छन् ।
केही घाइतेको अवस्था गम्भीर रहेका मृतकको संख्या बढ्न सक्ने अनुमान गरिएको छ । घटनाबारे अनुसन्धान थालिएको छ । बिस्फोटका कारण करोडौंको क्षति भएको बताइएको छ । (एजेन्सी)
पौष १० गते, २०७२ मा प्रकाशित
