उत्तर कोरियाद्धारा हाइड्रोजन बम सफलतापूर्वक परीक्षण गरे सँगै विश्वव्यापीरुपमा तरंग, कडा शब्दमा विरोध

उत्तर कोरियाले बुधबार हाइड्रोजन बम सफलतापूर्वक परीक्षण गरेको समाचारले विश्वव्यापीरुपमा तरंग पैदा गरेको छ ।

उसको यो घटनाको विश्वव्यापीरुपमा निन्दा गरिएको छ भने छिमेकी देश दक्षिण कोरियाले यसबाट उत्पन्न हुनसक्ने सुरक्षाको प्रश्न उठाएको छ ।

दक्षिण कोरियाले यस बम परीक्षणपछि आवश्यक कदमका लागि संयुक्त राष्ट्रसंघीय सुरक्षा परिषद्लाई आग्रह पनि गरेको छ ।

दक्षिण कोरियाका राष्ट्रपतिले उक्त घटनाको कडा शब्दमा विरोध गरेकी छन् । उनले यसले एसियामा मात्र नभएर संसारकै सुरक्षामाथि पनि प्रश्न उठाएकी छन् ।

राष्ट्रपतिको कार्यालयद्वारा प्रकाशन गरिएको विज्ञप्तिमा उत्तर कोरियाको यो आणविक होडको गल्तीलाई दक्षिण कोरिया एवं संसारको कुनैपनि देशले स्वीकार गर्न नसक्ने बताइएको छ ।

उक्त बम परीक्षणको समाचारलाई संयुक्तराज्य अमेरिकाले भने हो नै भनेर भन्न नसकिने प्रतिक्रिया दिएको छ ।

अमेरिकी सरकारले प्रकाशन गरेको विज्ञप्तिमा यसलाई उत्तर कोरियाको उत्तेजनामा आएर दिएको अभिव्यक्ति पनि हुनसक्ने जनाएको हो ।