भारतको बिहारमा प्रहरी र नक्सालवादीबीच भिडन्त हुँदा पाँच नक्सालवादी मारिएका छन् ।
बिहारको राजधानी पटनाबाट झण्डै एक सय २० किलोमिटर दक्षिणस्थित औरंगावादको ढिबरामा केन्द्रीय रिजर्भ पुलिस बल सिआरपिएफ र नक्सालवादीबीच मुठभेड भएको हो ।
भिडन्तपछि खोजिका क्रममा पाँच जना नक्सालवादीको शव भेटिएको प्रहरीले जनाएको छ । झडपमा एक प्रहरी हवल्दार पनि घाइते भएका छन् । एक एके ४७ सहित अरु केही हतियार पनि बरामद भएको प्रहरीले जनाएको छ । घटना हिजो साँझ भएको हो । (एजेन्सी)
पौष २५ गते, २०७२ मा प्रकाशित
