टर्कीको सबैभन्दा ठूलो सहर इस्तानबुलमा मंगलबार शक्तिशाली विस्फोट भएको छ ।
विस्फोटमा परी कम्तिमा १० जनाको मृत्यु भएको पुष्टि भएको छ ।
इस्तानबुलको ऐतिहासिक र पर्यटकीय ठाउँ ब्लुमस्क्युमा विस्फोट भएको हो । प्रत्यक्षदर्शीहरुले विस्फोटमा परी थुप्रै मानिस घाइते भएको जनाएका छन् । कतिपयले आत्मघाती विस्फोट गराइएको आशंकासमेत गरेका छन् ।
विस्फोटको घटनापछि त्यहाँको सुरक्षास्थिति कडा बनाइएको छ भने घटनाबारे अनुसन्धान थालिएको अधिकारीहरुले जनाएका छन् । – एजेन्सी
पौष २८ गते, २०७२ मा प्रकाशित
