पहिलो प्रकासित मिती: २०७२ पौष २९, बुधवार
सन्धिखर्क, अर्घाखाँची (अर्घाखाँची डट्कम) । नयाँ नेतृत्वको चयन गदै प्रेस चौतारी नेपाल अर्घाखाँचीको पाँचौ जिल्ला सम्मेलन बुधवार सन्धिखर्कमा सम्पन्न भएको छ ।
नव गठित समितीमा पत्रकार महासंघका उपाध्यक्ष चौतारीका पुर्व अध्यक्ष हिमबहादुर जिसी लेकाली अध्यक्ष, हृदयकुमार भुसाल उपाध्यक्ष र अर्जुन भुसाल सचिव, कमल विष्ट सह सचिव, कमला परियार कोषाध्यक्षमा सर्वसहमत चयन भएका छन् ।
यसैविच अबिधेशनले ११ सदस्यीय कार्य समितिको गठन गरेको छ । सदस्यहरुमा बसन्त श्रेष्ठ, अशोक चौहान, अरुण पोख्रेल र नबीन केसी रहेका छन । कार्यक्रमको उद्घाटन प्रेस चौतारीका केन्द्रीय अध्यक्ष राजेन्द्र अर्यालले गरेका थिए । कार्यक्रममा नेकपा एमाले अर्घाखाँचीका कार्यबाहक अध्यक्ष जीवनारायण कोइराला, नेपाल पत्रकार महासंघ अर्घाखाँचीका अध्यक्ष शोभाखर पन्थी, चौतारी अर्घाखाँचीका संस्थापक अध्यक्ष निमानन्द भुसाल लगायतले मन्तव्य राखेका थिए । सम्मेलनमा मन्तव्य राख्ने बक्ताहरुले पत्रकारहरुको हक हितका साथै देशको पछिल्लो अवस्थाको बारेमा चर्चा गरेका थिए ।
पौष ३० गते, २०७२ मा प्रकाशित
