अफ्रिकी मुलुक बुर्किना फासोको राजधानी औगादोगुमा रहेको एक होटलमा बन्दुधकारीहरुले आक्रमण गरी कम्तिमा २० जनाको हत्या गरेका छन् ।
पश्चिमा मुलुकका अतिथीहरुले प्रयोग गर्दै आएको ईस्प्लेन्डीड होटेलमा गएिको भीषण हमलापछि बन्दुकधारीहरुले केही विदेशी नागरिकलाई बन्धक बनाएको खबर छ ।
बन्दुकधारीहरु होटल बाहिर दुईवटा कार वम विष्फोट गराएपछि अन्धाधुन्द गोली प्रहार गर्दै होटलभित्र पसेका थिए । कम्तिमा चार जना नकाबधारीहरु होटलभित्र पसेर अतिथीहरुलाई बन्धक बनाएका हुन् ।
बुर्किना फासोका विदेशमन्त्री अल्फा ब्यारीले बन्दुकधारीविरुद्ध सुरक्षार्कीले कारवाही थालेको जानकारी दिँंदै बन्धकहरुलाई छिट्टै मुक्त गराउने बताएका छन् ।
होटलका एक कर्मचारीका अनुसार बन्दुकधारीले होटलकै कफी सपमा केही विदेशी नागरिकको हत्या गरेका छन् । अफ्रिकी मुलुकमा अल कायदाको मोर्चा सम्हाल्दै आएको एउटा ईस्लामिक अतिवादी समुहले घटनाको जिम्मेवारी लिएको छ ।
बन्दुकधारीहरुले निशाना बनाएको उक्त होटेलमा संयुक्त राष्ट्रसंघका अधिकारीहरु र पश्चिमा देशका पर्यटकहरु बस्दै आएका थिए । (एजेन्सी)
माघ २ गते, २०७२ मा प्रकाशित
