नरपानी, अर्घाखाँची (अर्घाखाँची डट्कम) । अर्घाखाँची जिल्लाको नरपानीमा जिप दुर्घटना हुदाँ चालक सहित ४ जना घाइते चार जना घाईते भएका छन् ।
नरपानीको घुम्तीबाट सन्धिखर्क आउदै गरेको लु १ ज १५६६ नम्बरको जिप सन्धिखर्क नगरपालिका – ६ को दहखोला नजिक गहतडाँडामा आईताबार दिउसो १२ बजे दुर्घटना भएको हो ।
दुर्घटनामा घाईते हुनेहरुमा गाडी चालक गुल्मी हाडहाडे – १ का विष्णु घर्ती, अनिता घर्ती, तीन वर्षिय छोरी दुर्गा घर्ती र अड्गुरीका जानका परियार रहेका छन् ।
घाइते सबैको जिल्ला अस्पताल अर्घाखाँचीमा उपचार भइरहेको छ । जसमध्ये गम्भिर घाईते विष्णु घर्ती र अनिता घर्तिलाई थप उपचारको लागि भैरहवा रिफर गरिएको जिल्ला अस्पतालले जनाएको छ ।
जीप सडकबाट करिब २५० मिटर तल खसेको छ । दुर्घटनाको कारण अहिले सम्म खुल्न सकेको छैन ।
तस्बिरहरु : प्रेम खडकाबाट
फाल्गुन २ गते, २०७२ मा प्रकाशित
