अर्घाखाँचीमा पटक पटक सवारी दुर्घटना हुने गर्दा स्थानियबासीहरु निकै चिन्तित, फेरि नरपानीमा गाडी दुर्घटना, १ जनाको मृत्यु (फोटो फिचर)

सन्धिखर्क, अर्घाखाँची । अर्घाखाँचीको गोरुसिङ्गे सन्धिखर्क सडक खण्डमा पटक पटक सवारी दुर्घटना हुने गर्दा स्थानिय बासीहरु निकै चिन्तित हुन थालेका छन् । 

यसैक्रममा फेरि अर्घाखाँचीमा गाडी  दुर्घटना हुँदा १ जनाको मृत्यु हुनुको साथै १ जना सख्त घाईते भएका छन् । गोरुसिङ्गे सन्धिखर्क  सडक खण्डको नरपानीमा लु १ च ५९४७ नम्बरको मारुति कार दुर्घटना हुँदा गाडि चालक  सालझण्डी-४ रुपन्देहीका वर्ष-५३ का लोक प्रसाद श्रेष्ठको घटनास्थलमै मृत्यु भएको छ । 

घट्नामा सालझण्डि-४ रुपन्देहीकै वर्ष-६१ का प्रेम प्रसाद श्रेष्ठ गम्भिर घाईते हुनु भएको छ ।घाईतेलाई जिल्ला अस्पताल सन्धिखर्कमा प्राथमिक उपचार गराई थप उपचारको लागि मेडिकल कलेज भैरहवा पठाईएको जिल्ला प्रहरी कार्यालयका नि.कार्यालय प्रमुख प्रहरी निरीक्षक सुजन कुमार राजभण्डारीले बताउनु भयो । सन्धिखर्कको डिभर्नाबाट रुपन्देहीको सालझण्डीको लागि जादै गरेको मारुति कार अनियन्त्रित भई नरपानी बजार देखी उत्तर पट्टीको रातामाटा कैदबडाडाँ स्थित भिरबाट करिब ७ सय मिटर तल खसी क्षेतबिच्छेद भएको थियो । गाडी दुर्घटना हुनासाथ घटनास्थलमा पुगेको प्रहरीको टोलीले घाईतेको तत्काल उद्धार गरेको थियो ।