सन्धिखर्कको रिठेखोलामा ट्याक्सी दुर्घट्ना, तीन जना घाइते (फोटो फिचर)

रिठेखोला- सन्धिखर्क, अर्घाखाँची (अर्घाखाँची डट्कम) । अर्घाखाँची जिल्लाको सन्धिखर्क नगरपालिका- ३ स्थित रिठेखोलामा ट्याक्सी दुर्घट्ना भएको छ । दुर्घट्नामा ट्याक्सीमा सवार तीन जना घाइते भएका छन् । 

लु १ च ७४४३ नम्बरको ट्याक्सी दुर्घट्नामा घाइते हुनेमा सबै भारतीय नागरिक राजेश मण्डल वर्ष २२, आकाश वर्ष २६, पबुबेदा वर्ष १८ का रहेका छन् ।  घाइते सबैको अहिले सन्धिखर्क स्थित जिल्ला अस्पतालमा उपचार भइरहेको छ । 

ट्याक्सी सडकबाट करिव १०० मिटर तल खोल्सामा खसेको छ । उनीहरु शनिबार घुम्नको लागि सन्धिखर्कबाट बलेवाङ गएर फर्कने क्रममा आज दिउसो २ बजे ट्याक्सी दुर्घटना भएको हो । 

उनीहरु भारतको कलकत्ता घर भई सन्धिखर्कको सुन पसलमा काम गर्दै आएका छन् ।  सवारी धनी अनिल अत्रीको ट्याक्सी दुर्घट्ना भएको हो ।  

दुर्घट्नाको कारण खुल्न सकेको छैन ।