घोराखोरी-नुवाकोट, अर्घाखाँची (अर्घाखाँचीडट्कम) । अर्घाखाँची जिल्लाको नुवाकोट गाबिसको घोराखोरीका दुई घरमा भीषण आगलागी भएको छ ।
नुवाकोट गाबिस-८ घोराखोरी सहरा गाउँमा दुई घरमा आज दिउसो भीषण आगलागी भएको हो । आगलागीबाट सरिता नेपाली र ललिता नेपालीको घर पूर्णरूपमा जलेर नष्ट भएको छ । आगलागीबाट कुनै मानविय क्षेती भएको छैन ।
भान्सामा बालेको आगोको झिल्काबाट आगलागी हुँदा दुवै जनाका घर पूर्णरुपमा जलेर नष्ट भएका बताइएको छ।
आगलागीबाट अन्नपात, लत्ताकपडा, भाँडाबर्तन, काठपात जलेर सबै नष्ट भएका छन् ।
स्थानीयबासीको सहयोगमा आगो नियन्त्रण लिईएको थियो ।
बैशाख ४ गते, २०७३ मा प्रकाशित
