( पहिलो प्रकासित मिती: २०७३ वैशाख ५, आइतवार)
प्रेम आचार्य
पटौटी, अर्घाखाँची ५ बैसाख । नेपाली कांग्रेस अर्घाखाँचीले संगठन सुदृढीकरणकालागि सञ्चालन गरेको गाँउ जनजागरण अभियान आइतवार पटौटीमा सम्पन्न भएको छ ।
काग्रेस जिल्ला कार्य समिति अर्घाखाँचीले संगठन सुदृढीकरण र कार्यक्रताको मनोभावना अनुररुप पाटीलाई अगाडी बढाउनका लागि जिल्लाका सबै गाविसमा अभियान सञ्चालन गरेको हो ।
पटौटीमा भएको कार्यक्रममा मन्तब्य राख्दै काग्रेसका जिल्ला सभापति बिष्णु खनाल (मुस्कान) ले जनताको माग अनुसार बिकासलाई अगाडी बढाउने काग्रेसले लक्ष्य लिएको बताउनु भयो । जिल्लाको समग्र बिकासमा पहिलो भुमिका कांग्रेसको भएको बताउदै पाटीको संगठन बलियो बनाउन सबै काग्रेसका कार्यक्रताहरु प्रतिबद्ध भएर लाग्नु पर्ने बताउनु भयो ।
कार्यक्रममा काग्रेसका पुर्ब जिल्ला सभापति कमल प्रसाद भुसालले काग्रेसले कार्यक्रताको मनोभावना बुझ्न र मनोबल बृद्धि गर्नका लागि गाँउ अभियान सञ्चालन गरेको बताउनु भयो । उहाले पाटीलाई अझ ससक्तका साथ अगाडी बढउन गाँउ गाँउमा हिडेको बताउनु भयो ।
कार्यक्रममा जिल्ला सचिब छबिलाल पौडेल, क्षेत्रीय सभापति अच्युत गौतम, जिल्ला सदस्य नेत्र प्रसाद भट्टराइ बिष्णु भुसाल, नारायणहरी घिमिरे, , संगिता बेल्बासे, बिष्णु भुसाल स्थानीय नेताहरु रमा घिमिरे, दामोदर पोख्रेल, रुक्मांगत घिमिरे, महेन्द्र थापा, इश्वरि प्रसाद बेल्बासे, शिबलाल गैरे लगायतले मन्तब्य राखेका थिए ।
काग्रेस पटौटी कांग्रेसका सभापति शालिकराम घिमिरेकोे सभापतित्व, हशिब खनालको सञ्चालन र तिलकराम गैरेकोे स्वागतमा कार्यक्रम सम्पन्न भएको क्षेत्रीय सभापति अच्युत गौतमले बताउनु भयो । कार्यक्रम भोेलि मैदान गाविसमा हुनेछ ।
बैशाख ६ गते, २०७३ मा प्रकाशित
