डेभा, अर्घाखाँची ( अर्घाखाँचीडट्कम ) । अर्घाखाँची जिल्लाको ढिकुराको डेभा स्थित सामुदायिक वनमा भीषण आगलागी भएको छ ।
आगलागी ढिकुरा- ५ डेभा स्थित खलक वन (पाखापानी) मा भएको हो । तीन जना युवतीले काडामा आगो लगाउने क्रममा जंगलमा आगलागी फैलिएको थियो ।
शनिबार बिहान ८ बजेबाट लागेको आगलागी अहिले सम्म पूर्ण नियन्त्रणमा आउन सकेको छैन । हावाहुरीका कारण आगो नियन्त्रण गर्न निकै कठिन भएको बताइएको छ । स्थानियबासी आगो निभाउन भरमग्दुर प्रयास गरेका छन् ।
आगलागीबाट मानविय क्षती भएको छैन । आगलागी भएको जंगल देखि मानवबस्ती अली टाढा रहेको छ ।
वनको धेरै जसो भाग जलेर नष्ट भएको छ ।
अंमर शाहीबाट
बैशाख १२ गते, २०७३ मा प्रकाशित
