( पहिलो प्रकासित मिती: २०७३ वैशाख १२, आइतवार)
धातिवाङ्ग, अर्घाखाँची (अर्घाखाँचीडट्कम) । अर्घाखाँची जिल्ला धातिवाङ्ग स्थित दहको जंगलमा लागेको भिषण आगलागी वस्तीमा पस्दा एक जना महिलाको जलेर मृत्यु भएको छ ।
दहको घर नजिकै लागेको आगो निभाउने क्रममा धातिबाङ गाबिस वडा नं. ९ की ३२ बर्षिय मखमली विकको आगलागीमा परि ज्यान गएको हो । आगलागीबाट २० लाख वरावरको क्षती भएको छ ।
धातिवाङ्ग गाविस वडा नं. ७ को ओधाली र वडा नं. ९ दहको जंगलमा भिषण आगलागी भएको थियो । आईतवार दिउसोवाट लागेको आगो बस्तीमा पस्दा ४ घर जलेर नष्ट भएका छन । तुलबहादुर सारु, बालसिंह सारु, विष्णु रोका मगर र गोविन्द सुर्यवंशीको घर जलेर नष्ट भए भने आधा दर्जन भन्दा बढी गोठ जलेका छन । जङ्गलमा लागेको आगो तीब्र हावाहुरीका कारण आईतबार राती ९ बजे गाउँमा पसेको हो ।
आगलागीका कारण दुई वटा घर र पाँच वटा गोठ जलेर नष्ट भएका छन् । बालसिंह सारुको घर गोठ जल्दा लत्ता कपडा, अन्नपात तथा घरमा राखिएको एक लाख ३० हजार नगद समेत जलेर नष्ट भएको छ । यस्तै तुलबहादुर सारुको घर गोठ जल्दा लत्ता कपडा, अन्नपात तथा घरमा राखिएको ७२ हजार नगद समेत जलेर नष्ट भएको छ । जङ्गलमा लागेको आगलागी तीब्र हावा हुरी र सल्लाको खोटोको कारणले आगो नियन्त्रण गर्न कठिन भएको बताइएको थियो ।
बैशाख १३ गते, २०७३ मा प्रकाशित
