अर्घातोष, अर्घाखाँची ( अर्घाखाँचीडट्कम) । अर्घाखाँची जिल्लाको अर्घातोष गाबिसको चिदिपानी कामि डाँडामा भीषण आगलागी भएको छ ।
अर्घातोष – २ स्थित चिदिपानी कामिडाँडा जंगलमा भिषण आगलागी भएको हो । स्थानिय शम्भु बन्जाडेले अर्घाखाँचीडट्कमलाई बताए अनुसार आगलागी आज साँझ ६ बजेबाट शुरु भएको हो ।
कामिडाँडा जंगल देखि गाउँ बस्ती नजिक रहेको छ । गाउँहरु जोखिममा पर्ने अनुमान गरिएको छ । अहिले स्थानियबासीले जङ्गलमा लागेको आगलागी नियन्त्रण गर्न कठिन भएको बताएका छन् ।
प्रहरी र वन कार्यालयमा ६ बजे नै जानकारी गराए पनि अहिले सम्म जिल्लाबाट कोही पनि पुगेको छैन ।
लामो समय देखिको खडेरीले गर्दा अर्घाखाँचीभर आगलागीका घटना दैनिक भईरहेका छन् । आगलागीबाट ज्यान जानुका साथै करोडौ बराबरको धनजनको नोक्सान भएको छ ।
तस्बिर: शम्भु बन्जाडे, अर्घातोष, अर्घाखाँचीडट्कम
बैशाख १४ गते, २०७३ मा प्रकाशित
