पाल्पा, वैशाख २५ – पाल्पाको दर्लामडाँडामा शनिबार दिउँसो भएको जीप दुर्घटनामा पाल्पाका सहायक प्रमुख जिल्ला अधिकारी ताराप्रसाद घिमिरेसहित ११ जना घाईते भएका छन् ।
खानीगाउबाट राम्दीका लागि छुटेको लु १ ज २०५० नम्बरको जिप दर्लमडाडा ८ धारापानी नजिकै दुर्घटना भएको हो । घाइते सबैको तानसेनस्थित युनाइटेड मिसन अस्पतालमा उपचार भैरहेको जिल्ला प्रहरी कार्यालय पाल्पाले जनाएको छ ।
दुर्घटनामा सामान्य घाईते भएका गाउँका एक युवक भने घर फर्किएको प्रहरीले जनाएको छ । जीपको ब्रेक फेल भएपछि सडक छेउको बिजुलीको पोलमा गाडी ठोक्काएर चालकले ठुलो दुर्घटनाबाट जोगाएको देखिएको प्रहरीले जनाएको छ ।
बैशाख २६ गते, २०७३ मा प्रकाशित
