विनोद गैरे
नुवाकोट, अर्घाखाँची । नुवाकोट दीपज्योति युवा परिषद नुवाकोट अर्घाखाँचीको आयोजनामा सञ्चालित नुवाकोट गा.वि.स. स्तरीय खुल्ला क्रिकेट छनौट प्रतियोगिता समापन भएको छ ।
नुवाकोट गा.वि.सका ९वटै वाडहरुवाट ९समुह सहभागि भएको प्रतियोगिता बैसाख २४ गते बृहत कार्यक्रमका विच उद्घाटन भएको थियो ।
फाईनल क्याटर फलाईनल सेमिफाईनल हुँदै जेष्ठ १ गते समापन भएको उक्त प्रतियोगितामा नुवाकोट गा.वि.स. वार्ड नं.२को समुख विजेता र वार्ड नं. १ को समुह उप विजेता भएका छन् ।
त्यस्तै प्रतियोगितामा वार्ड नं. २ का ज्योतिष सारु मगर उत्कृष्ट बलर, वार्ड नं.७ का हेमराज थापा उत्कृष्ट व्याट्सम्यान र प्रतियोगिताको सुरुवात देखि अन्त्य सम्म अनुशासित तवरले आफ्नो खेल प्रस्तुत गरेको भन्दै वार्ड नं. १ का विष्णु जिसीलाई म्यान अफ द सिरिजको उपादी प्रदान गरिएको थियो ।
प्रतियोगिताका विजेता समुहलाई रु.५००० उपविजेता समुहलाई ३००० र उत्कृष्ट बलर, व्याटस्मेन र म्यान अफ द सिरिज पाउने खेलाडीलाई जनही १हजारका दरले नगद पुरस्कार, प्रमाणपत्र र मेडलले सम्मान गरिएको थियो ।
ए.ने.क.पा माओवादीका रेशम थापा, नेपाली काग्रेसका खिम प्रसाद श्रेष्ठ, ने.क.पा एमालेका वलराम वन्जाडे, राष्ट्रिय जनमोर्चाका जग बहादुर थापा लगायतको उपस्तिथीरहेको कार्यक्रम परिषदका अध्यक्ष राजकुमार श्रेष्ठको अध्यक्षता, खेल संयोजक राम चन्द्र श्रेष्ठका स्वागत मन्तव्य र सचिव ज्ञानु श्रेष्ठको संचालनमा सम्पन्न भएको थियो ।
जेष्ठ २ गते, २०७३ मा प्रकाशित
