सन्धिखर्क, अर्घाखाँची ( अर्घाखाँचीडट्कम ) । परियार सेबा समाज अर्घाखाँचीको सन्धिखर्कमा सम्मान कार्यक्रम सम्पन्न भएको छ ।
परियार सेबा समाजले एक कार्यक्रमका बिच परियार सेबा समाजका नबगठित केन्द्रीय महासचिब खड्क दर्नाल, केन्द्रीय सदस्य रामबहादुर परियार र टेलर व्यवसायिक संघ अर्घाखाँचीका अध्यक्ष श्रीकृष्ण परियारलाई दोसल्ला ओढाई सम्मान गरेको हो ।
नवनिर्वाचित केन्द्रीय महासचिव खड्क दर्नालको प्रमुख अतिथ्यता, केन्द्रीय सदस्य रामबहादुर परियारको विशिष्ट अतिथ्यतामा सम्पन्न कार्यक्रममा टेलर व्यवसायी संघ अर्घाखाँचीका अध्यक्ष श्रीकृष्ण परियार, पत्रकार महासंघ अर्घाखाँचीका अध्यक्ष शोभाखर पन्थी लगायतले मन्तव्य राखेका थिए । परियार सेवा समाज अर्घाखाँचीका अध्यक्ष विष्णु परियारको अध्यक्षता, रमेश परियारको स्वागत मन्तव्य र परियार समाज नेपाल अर्घाखाँचीका सचिव रुक वहादुर परियारको सञ्चालनमा कार्यक्रम सम्पन्न भएको थियो ।
तस्बिरहरु: सुर्य भुसाल, श्याम घिमिरेबाट
जेष्ठ ५ गते, २०७३ मा प्रकाशित
