अर्घाखाँचीका मधुसुधन बन्जाडेको “मेरो प्यारो अर्घाखाँची” म्युजिक भिडियो सार्वजनिक

सन्धिखर्क, अर्घाखाँची ( अर्घाखाँचीडट्कम )। अर्घाखाँची जिल्लाका गायक मधुसुधन बन्जाडेको लोकगित बृत्तचित्र “मेरो प्यारो अर्घाखाँची” म्युजिक भिडियो सार्वजनिक भएको छ ।

यस बृत्तचित्र म्युजिक भिडियोमा अर्घाखाँची जिल्लाको कला संस्क् ति, रिति-रिवाज र पर्यटकीय, धार्मिक क्षेत्रलाई समेटिएको छ । 

मधुसुधन बन्जाडेको शब्द तथा लय रहेको यस गीतमा अर्घाखाँचीकै चर्चित लोक दोहोरी गायिका सम्झना लामिछाने मगर र मधुसुधन बन्जाडेको स्वर रहेको छ ।

त्यसैगरी अर्घाखाँची जिल्लाकै सम्पूर्ण कलाकारहरूले अभिनय गरेका छन् । जसमा प्रेम खड्का, शीतल के.सी., काजोल खनाल, सुरुची रायमाझी, सुधन खड्का लगायतको अभिनय रहेको छ ।

यस म्युजिक भिडियो करिब १५ दिन अर्घाखाँचीका विभिन्न ठाँउमा गई छायाँकन गरिएको थियो । म्युजिक भिडियोको कुमार के.सी. ले निर्देशन गरेका छन् ।  छायांकनमा हरि नारायण चौधरीको रहेको छ । यसका साथै गिती बृत्त चित्र अनुप शिवाकोटीको सम्पादन र कमल सौरागको एरेन्जरमा निर्माण गरिएको हो ।

साथै उज्यालो म्युजिक प्रा.लिले यस गीतको बजार व्यवस्थापन गरेको छ । 

गीतको सुरुवातमा उपप्रधान तथा उर्जा मन्त्री टोप बहादुर रायमाझी, मन्त्री शान्ती मानवी, सांसद दुमान सिंह थापा क्षेत्री लगायत जिल्लाका नेताहरुले परिचय, शुभकामना दिएका छन् ।