गोपाल प्रसाद भट्टराई
धारापानी, अर्घाखाँची । धारापानी गा.वि.स.को आयोजनामा गा.वि.स.का तीस जना जेष्ठ नागरिकलाई सम्मान र उत्कृष्ट कृषक, उद्धमी र जेहेन्दार विद्यार्थीहरुलाई प्रोत्साहन स्वरुप हिजो एक कार्यक्रमका बीच पुरस्कृत गरिएको छ ।
यसरी प्रोत्साहित हुनेमा सफल कृषक भेष बहादुर नेपाली,सागर केसी र रुमलाल चुदाली,उतकृष्ट उद्धमी शिव भुसाल,पबित्रा जिसी,पुष्पा सारु र पम्फा पुन रहनुभएको छ ।यसैगरी २०७१सालको एसएलसी मा उच्च अङक ल्याइ उत्तीर्ण हुने शान्ति उच्च माविका कृतिमान पौडेल,सरस्वती केसी र प्रभाकर माविका प्रेम सुनार र मनकला बन्जाडेलाई पुरस्कृत गरिएको थियोे ।
राष्ट्रिय जनमोर्चाका नेता तथा समाजसेवी सागर केसीको विशेष उपस्थितिमा सम्पन्न भएको सम्मान कार्यक्रम गाविस सचीव तुल्सी प्रकाश गिरीको अध्यक्षता, सामाजिक परिचालक हरी केसीको स्वागत मन्तव्य र भुपाल पुनको सन्चालनमा सप्पन्न भएको थियोे ।
जेष्ठ २९ गते, २०७३ मा प्रकाशित
