जनज्योती उच्च मावि चुत्राबेशीले माफी मागेपछि ताला खुल्यो

विद्यालय प्रशासन र विद्यार्थीहरुविच सोमबार र मंगलबार भएको बार्तामा विद्यालयले आत्मआलोचना सहित माफी माग्दै अव उप्रान्त यो प्रकृतीको गल्ती नदोहोराउने प्रतिवद्धता व्यक्त गरेपछि तालावन्दी खुलेको विद्यार्थी संगठनहरुले जनाएका छन् । वार्तापछि विद्यालयले पत्रकार सम्मेलनको आयोजना गरी असावधानीवस गल्ती भएको भन्दै माफी मागेको थियो ।

विद्यालयले माफी मागेपछि संयुक्त आन्दोलन औपचारीक रुपमै सकिएपनि अखिल छैठौंले विद्यालय व्यवस्थापन समितिको खारेजी र विद्यालयका प्राचार्यको राजिनामा सहित आवश्यक कारवाहीको माग गर्दै जिल्ला शिक्षा कार्यालय अर्घाखाँचीमा ज्ञापनपत्र बुझाएको छ । यद्यपी अहिलेसम्म जिल्ला शिक्षा कार्यालयको आधिकारीक धारण नआएको भट्टराइले जानकारी दिएका छन् ।

भारत छोडी अन्त नाता कहीँ पनि जोड्न पाउँदैनौं,

भारतसँग नाता छोडी कहीँ पाउँदैनौं जान

भारतले जे भनेनी स्विकार गरि मान,

भारतले गर्दा पायौं हामीले यत्रो ज्ञान

यो भन्दा ठूलो अरु कहीँ पाउँदैनौं ज्ञान

सन्धिखर्क, अर्घाखाँची । अर्घाखाँचीमा उपप्रधान मन्त्री टोपबहादुर रायमाझीको भन्दा भारतीय राजदुत रञ्जित रेको मर्यादाक्रम माथि राखेर शिलालेख निर्माण गरिएको छ ।

भारतीय राजदूताबासको सहयोगमा निर्माण भएका जिल्लाका तीन विद्यालयका शिलालेखमा मर्यादाक्रम भंग गरिएको हो । तर उपप्रधानमन्त्री टोपबहादुर रायमाझी आफै कार्यक्रममा उपस्थित भएर विद्यालय भवन र शिलालेखको उद्घाटन गर्दा समेत कुनै प्रतिकृया जनाउनुभएन । सन्धिखर्कको चुत्राबेसी जनज्योती उच्च मावि, बागीको शान्ती उच्च मावि र अर्घाको अर्घा रजस्थल माविमा निर्माण भएका भवनको शिलालेख राजदूत रेलाई माथि र उपप्रधान मन्त्री रायमाझीलाई तल राखेर निर्माण गरिएको हो ।

अहिले जिल्लामा यही विषय चर्चाको विषय बनेको छ । शनिबार बागीको शान्ती उच्च मावि तथा आइतबार सन्धिखर्कको जनज्योती उच्च मावि र अर्घाको अर्घा रजस्थल माविको भवन शिलान्यास भएको थियो । उपप्रधान मन्त्रीको मर्यादा विपरित भएको भनेर विद्यार्थी संगठनले जनज्योती उच्च माविमा निर्माण भएको भवन शिलालेखमा कालो पोतेको नेविसंघका जिल्ला अध्यक्ष युवराज पाण्डेले बताउनुभयो ।

जिल्लामा कृयाशिल विद्यार्थी संगठनहरु नेविसंघ, अखिल, अखिल क्रान्तीकारी, अखिल छैठौं, र अखिल (विपल्प) समूहले विद्यालयमा तालाबन्दी गरी कालोपोतेका हुन् । तत्काल शिलालेख सच्चाउन विद्यार्थी संगठनले माग गरेको अखिलका जिल्ला अध्यक्ष प्रदिप नेपालीले बताउनुभयो ।