सन्धिखर्क, अर्घाखाँची (अर्घाखाँचीडट्कम )। आफुले जन्माएको बच्चालाई १६ दिनमा अर्को एक महिलालाई बेचेको आरोपमा जिल्ला अदालत अर्घाखाँचीले एक ३६ वर्षिय महिलालाई पुर्पक्षका लागि थुनामा पठाएको छ ।
अर्घाखाँची जिल्लाको सन्धिखर्क नगरपालिका वडा नं ६ नरपानी कि सुकवीर नेपाली कि श्रीमति कमला नेपालीलाई पुर्पक्षका लागि थुनामा राख्ने आदेश दिएको हो । अदालतले निजलाई मानव बेचबिखन ओसारपसार ( नियन्त्रण ) अन्तर्गत थुनामा राख्ने आदेश दिएको छ ।
कमला नेपाली कारागारमा महिला राख्ने ब्यबस्था नभएको कारण जिल्ला प्रहरी कार्यालयको महिला थुनुवा कोठामा छिन भने छोरा-छोरी नभएका कारणले छोरा छोरी को रुपमा पाल्न लगेकी महिलासंग सो बच्चा रहेको छ ।
स्थानीय मिना नेपालीको जाहेरिले सो मुद्दा अदालमा परेको थियो ।
सहयोगी बिसीबाट
आषाढ़ १४ गते, २०७३ मा प्रकाशित
