भुवन के.सी
ढिकुरा, अर्घाखाँची । अर्घाखाँची जिल्लाको ढिकुरामा ढिकुरा नमुना युवा परिसद्द्वारा निर्माण हुन लागिरहेको नमुना प्रतिक्षालयको आज सिलान्यास भएको छ ।
ढिकुरा गाबिस वार्ड न २ स्थित गैरागोठमा निर्माण हुन लागिरहेको सो प्रतीक्षालयको स्थानिय जेष्ठ नागरिक राम प्रसाद पोख्रेल तथा सस्थाका कार्यबाहक अध्यक्ष दिपक चुदालीबाट सामुहिक रुपमा सिलान्यास भएको हो ।
स्थानिय स्तरमा कृयाशिल जयकृष्ण महिला समूह, शिबचौर महिला समूहको समेत आर्थिक सहयोग रहेको सो प्रतीक्षालय बनेपछि ढिकुरा, नुवाकोट, धनचौर, जुकेना लगायतका गाबिसका बासिन्दाहरु तथा सो क्षेत्रबाट आवत जावत गर्ने सयौं जनालाई सुबिधा पुग्ने स्थानिय भोजराज पोख्रेलको भनाई छ ।
यो सस्थाले केही समय पहिला सनपा र ढिकुराको बिचमा पर्ने टिमुरेखोलामा नमुना पुल निर्माण गरिसकेको छ ।
आफ्नो गाउँ ठाउको बिकासको लागि राज्यको मुख नताकी बिना राजनैतिक पुर्बाग्रह राखि स्थानिय युवाहरु एकता बद्ध भएर लागेकोले यी सबै सम्भव भएको र भबिस्यमा पनि यस्तै उदाहरणिय कार्य गर्दै जाने र यस्तो प्रकारको जनमुखी काम गर्ने यो सस्था जिल्ला मै अग्रणिस्थानमा रहेको पत्रकार भुवन के सीले हामीसगको कुराकानीमा बताउनु भयो ।
आषाढ़ २५ गते, २०७३ मा प्रकाशित
