सहयोगी बिसीबाट
सन्धिखर्क, अर्घाखाँची । अर्घाखाँची जिल्लाको धातिबाङका अग्नि पिडितलाई आर्थिक सहयोग प्रदान गरिएको छ ।
धातिबाङमा गत बैशाखमा लागेको आगोबाट मृत्यु भएकी मखमली बि ,क ,का परिबारलाई आज एक कार्यक्रमका बिच लुम्बिनी समाज नेपाल कुबेतका महासचिव बर्दघाट नगरपालिका वडा नं ४ बर्दघाट घर भैइ कुबेत मा रोजगारी गर्ने रुपेन हमाल ले रु १५००० ।पन्ध्र हजार नगद रकम प्रदान गर्नुभएको हो।
मृतकका श्रीमान ले उक्त रकम ग्रहण गर्नुभएको थियो । रकम प्रदान गर्दै हमालले दैबी दुर्घटनामा परि आमा गुमाउदा उनिहरु पढाइमा बन्चित हुन्छ न कि भन्ने पिरले सबै नेपालीबाट संकलन गरेको रकम दिनको निम्ति आफु अर्घाखाँचीमा आएको बताउनु हुँदै उनिहरुको पढाईको निम्ति पछि पनि सहयोग गर्ने र रकम को सदुपयोग गर्नुपर्ने बताउनुभयो ।
उक्त अबसरमा कुबेतमा सहयोग रकम संकलन गर्ने नुबाकोट ४ च्युरामाटीका बाबुराम भुसालको दिदी चन्द्रा गैरे, संचारकर्मी लगायतको उपस्थिती रहेको थियो ।
सो समाजले हिजोमात्र ३९ बर्ष सम्म असक्तरुपमा बिस्तारामा रहनु भएका यमलाल बस्याललाई १० हजार बराबरको कपडा र बिस्तारा प्रदान गरेको थियो ।
आषाढ़ ३० गते, २०७३ मा प्रकाशित
