फाइल तस्बिर ।
काठमाडौं ( अर्घाखाँची डट्कम) । नवलपरासीको कावासोती नगरपालिका-८ स्थित ईलाका प्रहरी कार्यालय नवलपुर अगाडि सवारी जाँचका क्रममा २५ तोला १२ लाल सुनसहित अर्घाखाँची जिल्लाको ठाडाका संजय क्षेत्री परेका छन् ।
काठमाडौँबाट – सन्धिखर्कतर्फ जाँदै गरेको लु.१ ख ६१४२ नम्बर बसका कन्डक्टर अर्घाखाँची ठाडा-३ बस्ने २२ वर्षीय संजय क्षेत्रीलाई साथमा लिई हिँडेको करीव १४ लाख ४४ हजार रुपैयाँ मुल्य बराबरको २५ तोला काँचो ढिका सुनसहित प्रहरीले सोमबार पक्राउ गरेको छ ।
क्षेत्रीलाई नियन्त्रणमा लिई राजस्व अनुसन्धान कार्यालय बुटवलमा बुझाइएको छ ।
राससले लेखेको समाचार अनुसार क्षेत्रीले कलङ्कीमा आएका यात्रुले अर्घाखाँची पुर्याइदिने भन्दै सुन दिएको बताएको प्रहरीले जनाएको छ। राजस्व अनुसन्धान कार्यालय बुटवलका अनुसार पक्राउ परेका व्यक्तिविरुद्ध भन्सार ऐनअनुसार मुद्दा चलाइनेछ।
श्रावण ११ गते, २०७३ मा प्रकाशित
