-कोमल भट्ट
चन्द्रागिरी न.पा -२१
काठमाडौँ
हाल:- न्युयोर्क, अमेरिका
खोज्दैछु मौवा सरि जिन्दगानी
बन्दैछ हौवा सरि जिन्दगानी
राम्रो छ देख्दा तर भित्र प्वाल
तप्किन्छ गौवा सरि जिन्दगानी
कैले छ शालीन विनम्र धेरै
कैले छ कौवा सरि जिन्दगानी
भत्किन्छ भन्ने मनमा छ त्रास
थोत्रो छ पौवा सरि जिन्दगानी
सक्दैन थेग्नै अब शीत ताप
लाग्दैछ टौवा सरि जिन्दगानी
(इन्द्रवज्रा)
५ मा विश्राम
श्रावण २३ गते, २०७३ मा प्रकाशित
