बाणगंगा, कपिलबस्तु ( अर्घाखाँचीडट्कम )। अर्घाखाँची जिल्ला सिमलपानी घर भइ हाल कपिलवस्तुको बाणगंगा बस्दै आएकी श्रीमतीले आफ्नै श्रीमानको हत्या गरेकी छिन् ।
सिमलपानी गाबिस वार्ड नं. ५ बौैरी घर भइ हाल कपिलवस्तुको बाणगंगा नगरपालिका-१ बैरियामा डेरा गरि बस्दै आएकी श्रीमती दुर्गा न्यौपानेले आफ्नै श्रीमान २९ वर्षीय शंकर न्यौपानको हत्या गरेको प्रहरीले जनाएको छ ।
दुर्गाले घरमा सुतीरहेका आफ्ना श्रीमानलाई धारिलो हतियार र ढुंगा प्रहार गरीे हत्या गरेको प्रहरीले बताएको छ ।
न्यौपाने दम्पत्ती विच राम्रो सम्बन्ध नभएको, पटक-पटक विवाद र झैझगडा हुने गरेको प्रहरीले जनाएको छ । अभियुक्तलाई प्रहरीले नियन्त्रणमा लिएको र शव पोष्टमार्टमको लागि जिल्ला अस्पताल तौलिहवा पठाइएको बताईएको छ ।
श्रावण ३१ गते, २०७३ मा प्रकाशित
