दुवार, सन्धिखर्क ( अर्घाखाँचीडट्कम) । अर्घाखाँची जिल्लाको सन्धिखर्कको खाचीकोट कुर दुवारमा चितुवाको आक्रमणमा परी बालिकाको मृत्यु भएको छ ।
सन्धिखर्क नगरपालिका वडा नं ९ (साविकको खाचीकोट ६) कुर दुवारमा आईताबर साँझको समयमा घर बारीको डोराबाट सुर्य बहादुर बिक, आमा लक्ष्मी बिककी ५ वर्षिया छोरी ललिता बिकलाई चितुवाले आक्रमण गरेको हो ।
स्थानिय रुद्र ज्ञवालीले अर्घाखाँचीडट्कमलाई बताए अनुसार चितुवाले ५:३० बजे साँझ बारीको डोरामा दिसा गर्न बसेको बेलामा बालिकालाई आक्रमणमा गरेको थियो । आमा बारीमा बोडी दिप्दै थिईन । स्थानियबासीले खोजी गर्ने क्रममा ८ बजे दुवार मुनीको जंगलमा बालिकाको केही भाग (साप्रो) शरीर खाएको र क्षतविक्षत अवस्थामा शब फेला परेका छन् ।
अर्घाखाँचीमा पछिल्लो समय चितुवाको बिगबिगी बढेको छ ।
भाद्र १२ गते, २०७३ मा प्रकाशित
