हंसपुरमा जिप दुर्घटना गराउने चालकलाई थुनामा राखी अनुसन्धान गर्न ७ दिनको म्याद थप

सुर्य भुसाल

सन्धिखर्क, अर्घाखाँची ( अर्घाखाँचीडट्कम) । अर्घाखाँची जिल्ला हंसपुरको रतनमारे नजिकै आइतबार जिप दुर्घटना गराउने चालक यम बहादुर श्रीसलाई जिल्ला अदालत अर्घाखाँचीबाट ७ दिनको म्याद थपी अनुसन्धानको लागि हिरासतमा राखिएको छ ।

जिपका चालक गुल्मी हाडहाडे गाबिस वडा नं ४ निन्युखर्कका ४१ बर्सिय यम बहादुर श्रीस निजलाई जिल्ला प्रहरी कार्यालय मार्फत जिल्ला अदालत अर्घाखाँचीबाट सोमबार ७ दिनको म्याद थपी अनुसन्धानको लागि हिरासतमा राखिएको हो ।

श्रिसलाई अनुसन्धानका लागि अाज थुनामा राखिएको छ । उनलाई सवारी ज्यान अन्तर्गत मुद्दा चलाईएको जिल्ला प्रहरी कार्यालय अर्घाखाँचीका प्रहरी नायब उपरीक्षक नबरत्न पौडेलले जानकारी दिनु भयो ।

गाडी दुर्घटना हुनुको मुख्य कारण ब्रेक फेल हुनु र चालकको लापरबाही भएको प्रहरीले निश्कर्ष निकालदै गाडी चालकलाई सातदिन म्याद थपि अनुसन्धान सुरु गरिएको प्रहरी नायब उपरीक्षक पौडेलले बताउनु भयो ।

हिजो भाद्र १२ गते हंसपुरमा ग १ ज ४८७८ नं को जिप दुर्घटनामा १२ जनाले ज्यान गुमाए भने ६ जना घाईते भएका थिए । दुर्घटनामा परि मृत्यु हुनेमा गाडी धनि नारायण बहादुर राना समेत रहेका छन् ।

गाडी दुर्घट्ना भएको स्थान उकालो चढदै गर्दा ब्रेक फेल भएर जिप दुर्घटना भएको बताइएको छ । जीप चालक श्रीस दुर्घटना हुन लाग्दा गाडीबाट हाम फालेर भागेका थिए ।

उता दुर्घटनामा परि घटनास्थलमा मृत्युु भएका ९ जना तथा उपचारको क्रममा मृत्यु भएका ३ जना गरि १२ जनाको शब अाज अाफन्तलाई बुझाएको छ ।

जिल्ला अस्पताल सन्धिखर्कमा पोष्ट्मार्टमपछि अाज अस्पतालबाट शब अाफन्तलाई बुझाईएको हो । मृत्युु भएका सबैको अाज अन्त्येष्टि समेत गरिएको छ ।

गाडी मालिक नारायण राना लगायतका केहि ब्यक्तिहरुको गच्छेघाटमा अाज अन्त्येष्टि गरिएको छ।