गोपाल प्रसाद भट्टराई
सन्धिखर्क, अर्घाखाँची । हरितालिका तिज २०७३ को अबसरमा अखिल नेपाल महिला संघ अर्घाखाँचीले सामुहिक दर खुवाइ शुभकमना आदान-प्रदान कार्यक्रम सम्पन्न गरेको छ ।
कार्यक्रम आइतबार सन्धिखर्क मसालबजारमा अनेम संघकी केन्द्रिय उपाध्यक्ष सकुन्तला रानाको प्रमुख आतिथ्यता,जिल्ला अध्यक्ष कल्पना पोख्रेलको अध्यक्षता मिना बि.सी.को स्वागत मन्तव्य र कमला खनालको संचालनमा सम्पन्न भएको कार्यक्रममा जिल्लाका बिभिन्न ठाउँबाट करिब दुइ सय जना अ.ने.म.संघका महिलाहरुको सहभागिता रहेको थियो ।
शुभकामना आदान-प्रदान कार्यक्रममा मन्तव्य राख्दै महिला नेतृहरुले लामो संघर्षपछि प्राप्त भएका महिलाहरुका केही अधिकार सुरक्षित गर्न नयाँ संविधान कार्यान्वयनमा सबैले सहयोग गर्नुपर्नेमा जोड दिएका थिए ।
कार्यक्रममा अ.ने.म.संघ केन्द्रिय उपाध्यक्ष सकुन्तला राना,जिल्ला अध्यक्ष कल्पना पोख्रेल,जिल्ला सदस्य रोमा खनाल,सन्धिखर्क-२ की वडा अध्यक्ष उषा बस्नेत,एमाले निकट महिला संघकी जिल्ला अध्यक्ष बिष्णु आचार्य र अन्तर पार्टी महिला संजाल अर्घाखाँची अध्यक्ष शुसिला गैरेले शुभकामना मन्तव्य राख्नुभएको थियो ।
भाद्र १४ गते, २०७३ मा प्रकाशित
