सन्धिखर्क गच्छेखोलाका एक युवकको करेन्ट लागेर मृत्यु (भिडियो, तस्बिर सहित )
भाद्र १६ गते, २०७३ मा प्रकाशित
प्रेम खड्का
गच्छेखोला, अर्घाखाँची ( अर्घाखाँचीडट्कम) । अर्घाखाँची जिल्लाको सन्धिखर्क नगरपालिका -९ गच्छेखोला ( देउराली मन्दिर माथि) का एक युवकको करेन्ट लागेर मृत्यु भएको छ ।
आफ्नै घरको कोठामा ईमर्जेन्सी लाईट चार्ज गर्दां एक्कासी करेन्ट लागेर करण बहादुर बिकका १९ वर्षिय गोविन्द बिकको मृत्यु भएको हो । बिहीवार विहान ८ : ३० बजे करेन्ट लागेर घाईते भएका बिकको जिल्ला अस्पतालमा अर्घाखाँचीमा उपचारको क्रममा मृत्यु भएको हो ।
१९ वर्षिय गोविन्द बिक ।
गोविन्दले चुत्राबेशी स्थित श्री जन ज्योति उच्च मावीमा १२ कक्षा मा पढ्दै थिए । उनका बाबु वैदशिक रोजगारीका लागि विदेशमा छन् ।
भाद्र १६ गते, २०७३ मा प्रकाशित
