गोपाल प्रसाद भट्टराई
अर्घातोष,अर्घाखाँची । २३ औ जिल्ला सम्मेलनको तयारीमा जुटिरहेको अखिल छैठौं अर्घाखाँचीले शुक्रबार सरस्वती माता मा.वि. अर्घातोषमा भेला तथा प्रशिक्षण कार्यक्रम संपन्न गरेको छ ।
अखिल (छैठौँ)का जिल्ला अध्यक्ष गोपाल प्रसाद भट्टराई र बिष्णु के.सीले प्रशिक्षण दिनु भएको भेलाले बल बहादुर कुवंरको अध्यक्षतामा ३७ सदस्यीय सरस्वती माता मा.वी. अर्घातोष मुल ईकाई समितिको गठन गरेको छ ।
जसको उपाध्यक्षमा अन्जिता पोख्रेल,सचिवमा श्रीधर पोख्रेल,सह-सचिवमा बर्षा भुसाल र कोषध्यक्षमा रिमा खनाल चयन हुनु भएको छ ।
भेला रन्जित परियारको अध्यक्षता,अविनास खड्काको स्वागत मन्तव्य र सतिष कुवंरको संचालनमा संपन्न भएको हो ।
त्यस्तै अखिल छैठौंको अर्को टोलिले र्फसवा टाकुरा उच्च मा.वी. खिदिममा भेला तथा प्रशिक्षण कार्यक्रम संपन्न गरेको छ ।
राष्ट्रिय जनमोर्चाका जिल्ला सदस्य देवि प्रसाद भुसाल, अखिल छैठौका जिल्ला कोषाध्यक्ष अनिल खनाल,हेमराज मुखिया र केशव खनालले सहजीकरण गर्नुभएको भेलाले सागर पोख्रेलको अध्यक्षतामा १७ सदस्यीय मुल ईकाइ कमिटिको गठन गरेको छ ।
जसको उपाध्यक्षमा अर्जुन थापा , सचिवमा उषा के.सी र कोषाध्यक्षमा जिवन ठटराई चयन हुनु भएको छ । पछिल्लो समय अखिल छैठौ अर्घाखाँचीले विद्यार्थी जागरण अभियानमा तिव्रता दिएको छ । अखिल छैठौंको २३औं जिल्ला सम्मेलन यहि असोज १र २ गते सन्धिखर्कमा हँुदैछ ।
भाद्र १८ गते, २०७३ मा प्रकाशित
