सुर्य भुसाल
सन्धिखर्क, अर्घाखाँची ( अर्घाखाँचीडट्कम) । अर्घाखाँची जिल्लाको सन्धिखर्क स्थित फुदवाङ ठूलो दुर्घटना हुनबाट यात्रुबाहक बस बचेँको छ ।
बुटवलबाट सन्धिखर्कका लागि दिउँसो साढे तीन बजे छुटेको लु १ ख ८१६२ नम्बरको यात्रुबाहक बस सन्धिखर्क पुग्न करिब ४ किलोमीटर नजिकै फुदवाङ्ग नजिकैको ओरालोमा माथीबाट पहिरो झरेपछी बसको केही भाग पहिरोको निसानामा परेको छ ।
माथिबाट खसेको माटोले बसको बायाँ तर्फको केही भाग पुरिएको छ । सबै यात्रु र बस सकुशल नै छन ।
डोजर लगायर बाटो खोल्ने कार्य जारी छ । बाटो खुलाउने कार्यमा जिल्ला ट्राफिक कार्यालय अर्घाखाँचीका प्रहरी सहायक निरीक्षक जगन्नाथ पान्डे सहितको टोली सकृय छ । बसमा १५ जना जति यात्रु रहेकको बताएको छ ।
उता अर्घाखाँचीमा निरत्नर वर्षा भएको छ । जिल्लाभरका कयौ कच्ची सडक पहिरो जाँदा गाडी अबरुद्द भएका छन् ।
भाद्र २७ गते, २०७३ मा प्रकाशित
