धातिवाङ्ग गाउँ विकास समिती वडा नं. ७ मा
घनश्याम पौडेल ‘परिश्रमी’
धातिवाङ्ग, अर्घाखाँची । लुम्विनी सामुदायिक कृषी सहकारी संस्था लिमिटेड धातिवाङ्गले ‘डेरी पसल’ सञ्चालनमा ल्याउने भएको छ ।
पशु उत्पादन निर्देशनालय हरिहरभवन वाट २ लाख रुपैयाँ प्राप्त भई धातिवाङ्गमा दुग्ध उत्पादन केन्द्र स्थापना गर्न लागिएको छ । लुिम्वनी सामाजिक विकास केन्द्रका कार्यकारी निर्देशक इन्द्रमणि पौडेलको पहलमा २ लाख रुपैया प्राप्त भई उक्त सहकारी संस्था धातिवाङ्ग मार्फत डेरी सञ्चालन हुन लागेको हो ।
संस्थाले धातिवाङ्गवाट उत्पादन गरेको दुध, पनिर, दही लगायतका दुग्धजन्य पदार्थहरु पाल्पा, बुटवल तथा सन्धिखर्कमा बिक्री गर्ने उद्देश्य लिएको संस्थाका अध्यक्ष पुनाराम पौडेलले वताउनुभयो ।
सर्यौ सदस्यहरु रहेको सो संस्थाले एक दुई वर्षपछि दैनिक १५ सय लिटर दूध संकलन गर्ने सक्ने जानकारी दिएको छ । संस्थाका सदस्यहरु तथा धातिवाङ्गका सवै जनताले उत्पादन गरेको दुध विक्रि गर्न पाउने, उत्पादन गरेको दुध विक्रि गर्दा कुनै शेयर नलाग्ने संस्थाका सचिव दिपक पौडेलले जानकारी दिनुभयो । डेरी सञ्चालनमा आएपछी व्यावसायिक रुपमा भैसी तथा गाईपालन गर्ने कृषकहरु बढने बताईएको छ, डेरी सञ्चालन गर्नका लागी आवश्यक फ्रिर्ज तथा भाडाहरु किनिएको छ ।
धातिवाङ्गका सवै बासिन्दाहरु शेयर लगानी नगरीकन डेरी सञ्चालनमा आउन लागेपछी बासिन्दाहरु हर्षित भएका छन ।
आश्विन ६ गते, २०७३ मा प्रकाशित
