सरिता / सुर्य भुसाल
डिहिडाँडा- खाचिकोट, अर्घाखाँची ( अर्घाखाँचीडट्कम) । सूचना तथा सुशासन अभियान, सिआईजीले अर्घाखाँचीको सन्धिखर्क नगरपालिका वडा नं. ९ लाई लक्षित गरि श्री चन्द्रप्रभा उमाविमा सूचनाको अधिकार सम्वन्धि अनुभव आदानप्रदान तथा सचेतना कार्यक्रम सम्पन्न गरेको छ ।
प्याराडाईज युवा क्लवका अध्यक्ष अमृत थापाको सभापतित्व, समाजसेवी पदमलोचन आर्चायको प्रमुख आथित्यता, समाजसेवी दिनानाथ आर्चायको बिशिष्ट आथीत्यता, प्याराडाईज क्लवका सचिव सुदिप के.शिको सन्चालन र सिआईजी सदस्य नविन के.शिको स्वागत भाष्ण रहेको सो कार्यक्रममा ब्यापक जनसहभागिता रहेको थियो ।
सहभागीहरुलाई सिआईजी अध्यक्ष तथा सूचनाको हकका अभियन्ता मुक्तिनाथ भुसालले भिजुअल मार्फत करिव तिन घन्टा बिषयवस्तु माथि प्रतिक्षण दिनुभएको थियो । कार्यक्रमका लागि सिआईजीका तर्फवाट सदस्य सरोज पौडेल तथा सूचना मागकर्ताहरु सम्झना ज्ञवाली र सिता पोख्रेलको समेत सहभागिता रहेको जानकारी मिलेको छ ।
आश्विन ९ गते, २०७३ मा प्रकाशित
