अर्जुन भुसाल
सन्धिखर्क, अर्घाखाँची ( अर्घाखाँचीडट्कम) । स्थानीय निकायको निर्वाचनमा जुट्न युवा संघलाई पार्टी अध्यक्ष चेतनारायण आचार्यको निर्देशन युवा संघ अर्घाखाँचीको सचिवलाय वैठक सम्पन्न भएको छ । नेकपा एमाले अर्घाखाँचीका अध्यक्ष चेतनारायण आचार्यको प्रमुख आतिथ्यतामा सम्पन्न वैठक विभिन्न निर्णय गर्दै सम्पन्न भएको छ ।
वैठकमा बोल्दै पार्टी अध्यक्ष आचार्यले स्थानीय निकायको निर्वाचनमा जुट्न युवा संघलाई निर्देशन दिनुभयो । उहाँले युवा शक्तिले पार्टीलाई मजवुत पार्ने भन्दै जिल्ला भर युवा जागरण अभियान सञ्चालन गर्न आग्रह गर्नुभयो । उहाँले नगर कमिटी देखि गाउँ कमिटीहरु गठन गरि संगठनलाई गतिशिल बनाउन युवा संघलाई आग्रह गर्नुभयो । उहाँले अबको स्थानीय निकायको निर्वाचनमा एमालेलाई पहिलो शक्तिको रुपमा स्थापित गर्न युवा संघको सबै भन्दा ठूलो भूमिका रहने बताउनुभयो ।
युवा संघले असोज २० गते दशैको शुभकामना आदान प्रदान कार्यक्रमको आयोजन गर्ने निर्णय गरेको छ । वैठक युवा संघका अध्यक्ष गोविन्द आचार्यको अध्यक्षता र कोषाध्यक्ष कृष्ण सेजवालको सञ्चानमा सम्पन्न भएको हो ।
आश्विन १५ गते, २०७३ मा प्रकाशित
