थाइल्याण्डका राजा भूमिवोल अदुल्यादेजको बिहीबार उपचारको क्रममा ८८ वर्षको उमेरमा निधन भएको थाइ दरबारले जनाएको छ । थाइल्याण्डका राजा भूमिवोल विश्वकै सबैभन्दा लामो समय शासन गर्ने राजा थिए ।
दरबारले उनको मृत्युको कारण खुलाएको भने छैन । उनले ७० वर्षसम्म थाइल्याण्डमा शासन गरेका थिए ।
मौसुफको सिरिराज अस्पतालमा उपचारको क्रममा स्थानीय समय अनुसार ३:५२ मा निधन भएको छ, दरबारद्वारा जारी विज्ञप्तीमा भनिएको छ ।
अब ६३ वर्षीय थाई युवराज महा भाजिरालोङकोर्नलाई थाइल्याण्डका नयाँ राजा घोषणा गरिनेछ । कान्तिपुरले लेखेको छ ।
आश्विन २७ गते, २०७३ मा प्रकाशित
